Rusiya sülhməramsızlıları kontingenti Dağlıq Qarabağ ərazisində tapşırıqları yerinə yetirməyə davam edir.
Bu barədə Rusiya Müdafiə Nazirliyinin Dağlıq Qarabağ münaqişəsi zonasında Rusiya sülhməramlı kontingentinin fəaliyyəti barədə açıqlamasında bildirilib.
Qeyd olunub ki, iyirmi yeddi müşahidə məntəqəsində Rusiya sülhməramlıları vəziyyəti gecə-gündüz izləyir və atəşkəs rejiminə əməl olunmasına nəzarət edirlər:
«Atəşkəs bütün təmas xəttində müşahidə olunur.
Rus sülhməramsızlıları, vətəndaşların daimi yaşayış yerlərinə təhlükəsiz qayıtmasını və mülki infrastrukturun bərpasını təmin edir və əhaliyə humanitar yardım göstərir.
Humanitar Minalardan Təmizləmə Mərkəzinin minalardan təmizləmə qrupları Dağlıq Qarabağ ərazilərinin minalardan təmizlənməsi üzrə işlərini davam etdirirlər. Ümumilikdə, 23 Noyabr 2020-ci ildən bəri 1623 hektar ərazi, 508 km yol, 30 sosial əhəmiyyətli obyekt daxil olmaqla 1577 yaşayış binası partlamamış hərbi sursatlardan təmizlənib, 25 154 partlayıcı maddə aşkar edilərək zərərsizləşdirilib».
Nazirliyin məlumatında ermənilərin Kəlbəcər ərazisindəki Xudavəng məbədini ziyarət etməsi də öz əksini tapıb.
«Rus sülhməramsızlıları Xankəndidən Xudavəng və Yuxarı Veysəlliyə və geri zəvvarların monastırlara müşayiətini təmin etdilər», — deyə Rusiya Müdafiə Nazirliyindən bildirilib.
Sonda qeyd olunub ki, Rusiya sülhməramlı kontingentinin məsuliyyət zonasında baş verə biləcək hadisələrin qarşısını almaq, səyləri koordinasiya etmək üçün Azərbaycan və Ermənistan silahlı qüvvələrinin baş qərargahları ilə davamlı qarşılıqlı əlaqə saxlanılır./Modern.az/
P.S. Bildirək ki, bu məbədin yaxından, uzaqdan ermənilərə heç bir aidiyyatı yoxdur və Kəlbəcər rayonuda işğal öncəsi 1 nəfər də olsun erməni yaşamayıb. Ümumiyyətlə, Qarabağda ermənilər tərəfindən tikilmiş heç bir kilsə mövcud deyil. Sadəcə rus sülhməramsızlıları iyrənc oyunlarını dayandımalıdırlar…