Peşəkarlığı, humanistliyi , nəzəri və praktiki biliyi, sadəliyi və səmmimiyyəti, dəqiqliyi və təmkinliyi, işgüzarlığı və mənəvi keyfiyyəti ilə seçilən istefada olan mayor Həsənov Nazim Əsgər oğlunun iyul ayının 8 — də 53 yaşı tamam olur.
Daim həyatın bütün imtahanlarından alnıacıq və üzüağ cıxan istefada olan mayor Nazim Həsənovu doğum günü münasibətilə Azərbaycan Vətən Müharibəsi Veteranları İctimai Birliyi sədrinin müavini polkovnik Salman Musayev səmimi qəlbdən təbrik edir, ona möhkəm can sağlığı və həyat yollarında bitib – tükənməyən naliyyətlər arzulayır.
Yaşının üstə gələn bu yaş ona sevinc dolu illər bəxş etsin və hər yeni günü isə onu istəklərinə qovuşduraraq daha da xoşbəxt etsin.
Mayor Həsənov Nazim Əsgər oğlu 1969-cu ilin iyul ayının 8-Naxçıvan Muxtar Respublikasının Naxçıvan şəhərində anadan olub.
1984-cü ildə Naxçıvan şəhərində 4 nömrəli orta məktəbin 8-ci sinifini, 1986-cı ildə Naxçıvan şəhərində 6 nömrəli orta məktəbin 10-cu sinifini bitirib. 1986- cı ildə SSSR-nin Kurqan şəhərində Ali Hərbi Siyasi Aviasiya Məktəbinə daxil olub. Hərbi xidmətini Ural vilayətində başa vurub.
1992-ci ildə Nəsrəddin Tusi adına Azərbaycan Pedaqoji İnstitutunda təhsil alarkən könüllü olaraq Azərbaycan ərazi bütövlüyü uğrunda (Qazax,Ordubad,Sədərək və Aşağı Buzqov rayonları istiqamətlərində) gedən döyüşlərdə iştirak edərək ona həvalə edilmiş vəzifə və tapşırıqların öhtəsindən layiqincə gəlmişdir.
Nazim Həsənov 1993- cü ildə Nəsrəddin Tusi adına Azərbaycan Pedaqoji Universitetinin ibtidai hərbi və fiziki hazırlıq fakültəsini, 1997-ci ildə Daxili İşlər Nazirliyi Daxili Qoşunların Xəzər rayonunda yerləşən Tədris mərkəzində zabitlərin ixtisas artırma kursunu, 2002-ci ildə isə Müdafiə Nazirliyinin Qaraheybətdə yerləşən tədris mərkəzində bölük komandiri və tabor qərargahının rəisi kurslarını bitirib. O, Daxili Qoşunlarda xidmət etdiyi illər ərzində, Daxili Qoşunların Baş İdarəsində və hərbi hissələrində, Müdafiə Nazirliyin Naxçıvan Muxtar Respublikasınında yerləşən korpusunda keçirilən bir çox metodiki-təlim toplanışlarında, xüsusi taktiki təlimlərdə, komando-qərargah təlimlərində, müvafiq kurslarda, seminar və konfranslarda fəal iştirak edib.
1995-2014-ci illərdə Daxili İşlər Nazirliyi Daxili Qoşunların Baş İdarəsinin Naxçıvan şəhərində yerləşən Əlahiddə (taborda, alayda) birqadada taqım və bölük komandiri, döyüş hazırlığı bölməsinin rəisi, Qərargah rəisinin xidmət üzrə baş köməkçisi vəzifələrində Vətənə Dövlətə və xalqa sədaqətlə xidmət edib.
2013 – cü ildən etibarən Mayor Nazim Əsgər oğlu Həsənov Naxçıvan Muxtar Respublikasının Naxçıvan Dövlət Universitetində Çağırışaqədərki hazırlıq və mülki müdafiə kafedrasında müəllim vəzifəsində çalışır. O, Daxili Qoşunlarda xidmət etdiyi illər ərzində öz tabeliyində olanlara Azərbaycan Respublikasının Konstitusiyasına və qanunlarına əməl edilməsi, Hərbi Andın, Hərbi və Daxili Qoşunların döyüş xidməti nizamnamələrin tələblərinin, əmr və sərəncamların dəqiq və sözsüz yerinə yetirilməsi işində daimi nümunə olmuşdur. Hərbi yoldaşları onu vətənpərvər, qorxmaz, səxavətli, insanpərvər, əliaçıq və zəhmətkeş zabit kimi dəyərləndirirlər. O, istər təhsil aldığı orta və ali təhsil müəssisələrində, istər xidmət etdiyi və çalışdığı mühitdə, istərsədə dost-tanış, qohum — əqrəba arasında özünə böyük hörmət qazanıb.
Qanunvericiliklə Daxili İşlər Nazirliyi Daxili Qoşunlara həvalə edilmiş vəzifələrin və tapşırıqların, eləcə də şəhərdə və yaşayış məntəqələrində baş vermiş kütləvi ixtisasların qarşısının alınmasında, cinayətkarlığa qarşı mübarizədə, fövqəladə hallar zamanı hüquqi rejimin təmin edilməsində, baş vermiş təbii fəlakətlərin nəticələrinin aradan qaldırılmasında, dövlətin ərazi bütövlüyünün təmin edilməsində üzərinə düşən vəzifə və tapşırıqları məsuliyyət və şərəf hissi ilə yerinə yetirmişdir.
Funksional vəzifələrinin icrası zamanı fərqləndiyinə görə, Azərbaycan Respublikasının Daxili İşlər Nazirinin, Daxili Qoşunlar Komandanın və onun müavinlərinin, Naxçıvan Muxtar Respublikasının Daxili İşlər Nazirinin, Naxçıvan Muxtar Respublikasının Hərbi Xidmətə Çağırış üzrə Dövlət Xidmət rəisinin, Naxçıvan Dövlət Universitetin rektorunun, xidmət etdiyi hərbi hissənin komandirinin müvafiq əmrləri ilə əla xidmətlərə görə döş və yubiley nişanları ilə təltif olunub, fəxri fərmanlarla və qiymətli hədiyələrlə mükafatlandırılıb və ona təşəkkür elan edilib.
Azərbaycan Respublikasının müstəqilliyinin, ərazi bütvlüyünün qorunub saxlanmasında, respublikada əmin – amanlığın təmin edilməsində, ictimai asayişin qorunmasında, cinayətkarliğa qarşı mübarizədə öz xidməti vəzifələrini və hərbi hissənin qarşısında qoyulmuş tapşırıqları yerinə yetirərkən fərqləndiyinə görə aşağıdakı medallarla təltif olunub:
— “Silahlı Qüvvələrin yaranmasının” 10 illiyi (1991 — 2001) yubiley medalı ilə;
— “Silahlı Qüvvələrin yaranmasının” 90 illiyi (1918 — 2008) yubiley medalı ilə;
— “Qüsursuz Xidmətə Görə” 2 dərəcəli medalı ilə — Silahlı Qüvvələrdə 15 təqvim ili xidmətə görə
— “Qüsursuz Xidmətə Görə” 3 dərəcəli medalı ilə — Silahli Qüvvələrəd 10 təqvim ili xidmətə görə
DOĞUM GÜNÜN MÜBARƏK OLSUN NAZİM BƏY!
ALLAH HƏR ZAMAN QƏLBİNİ SIXINTIDAN, BƏDBİNLİKDƏN QORUSUN!
HƏMİŞƏ ÜZÜN GÜLSÜN, ÜRƏYİN SEVİNSİN!
BÜTÜN ARZULARIN ÇİN OLSUN!
Azərbaycan Vətən Müharibəsi Veteranları İctimai Birliyi (AVMVİB) sədrinin müavini polkovnik Salman Musayev
